గుండె భగ్గున

గుండె భగ్గున మండితే

కన్నీట ఆర్పుట నేర్చుకో 

వాసంత మృదు హృదయమ్ములో 

గ్రీష్మమ్ముకలదని తెలుసుకో          || గుండె భగ్గున ||

జాలి మాలిన వారికై

ఎలుగెత్తి పాటలు పాడిపాడి   (2)

బ్రతుకులో అలజడియె గాని 

శాంతియన్నది నోచకుంటే   (2)     || గుండె భగ్గున ||  

జరిగిపోయిన కాలమే

శివరంజనీ రాగమ్ముగా      (2)

మనసులో నీ తనువులో 

మార్మ్రోగి  మరి మరి తరిమితే (2)       || గుండె భగ్గున ||

నీ విషాదమె నీకు స్వర్గము

అదియె ఊపిరి నీకు సతతము (2)

అది ఎరుంగక ఎవ్వరో 

ఓదార్చుటకు నిను చేరుకుంటే      (2)   || గుండె భగ్గున ||

                                                                                          రచన : శ్రీ కొంపెల్ల రామకృష్ణమూర్తి
                                                                                          సంగీతం : శ్రీ సుందర రావు
                                                                                   

ఈ పాట కావాలా? అయితే వినండి లేదా డౌన్ లోడ్ చేసుకోండి
http://www.mediafire.com/?snde2kuau6a51uo

Posted in: హరివిల్లు